Forsíđa   

 21.12.2018
 Tengdu vagn ţinn stjörnu á Vetrarsólstöđum



Tengdu vagn þinn stjörnu -
Hitch your wagon to a star -,
varð bandaríska ljóðskáldinu
Ralph Waldo Emerson, að orði.




Á björtum og íðilfögrum
vetrarsólstöðum þessa árs,
eiga þessi orð vel við þegar
morgunstjarnan Venus skín
skær á suðausturhimni
og fugl syngur sitt ljúfasta lag
í byrjun dags stuttu fyrir
sólarupprás, (þ.e.a.s undir hádegi).
Töfrum slegin Náttúra.
Á svona stundum er erfitt
að segja hvort fagurt sólarlagið,
sé í raun hljóðlát sólarupprás
eða öfugt...




Þrír úlfhundar, móleitir og
samlitir auðri jörðinni,
birtast skælbrosandi
á þjóðveginum og horfa
óttalausir í ljósgeisla
ferðavagnsins/bifreiðar á móti:
líkt og geislandi, ódauðlegar
verur þessa heims og annars;
já, þessi bílferð við sólsetur
síðla dags um Eyfjafjarðarsveit,
líktist allt eins draumi
undir silfurslegnum
bláhimni yfir Uppsalahnjúki
og fölbleikum himni til
norðurs við ystu sjónarrönd
yfir Kaldbaki.




Já, tengjum vagn okkar
stjörnu og ferðumst
óttalaus á vit nýrra tíma,
nú þegar sólin hefur
staðnæmst á himni
eina örskotsstund
og hverfst um sjálfa sig
og klifrar svo smátt og
smátt hærra á himinbaug.





*


Síđasta frétt 1 2 3 4 5  6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 Næsta frétt 
© 2007 Draumasetriđ Skuggsjá Hönnun Design EuropA