Forsíđa   

 29.10.2019
 Draumflćđi viđ Indlandshaf á Diwali ljósahátíđ




Nú stendur yfir ein aðalhátíð
Hindúa um heim allan,
ljósahátíðin Diwali sem fagnar
sigri ljóssins yfir myrkrinu
og stendur í 5 daga.
Margir þekkja tl hennar
hér heima á köldu Fróni
og fagna með því að snæða
góðan indverskan mat í boði
Austur-Indíafélagsins sem
staðið hefur vaktina með
sóma í áratugi, verðugur
fulltrúi indverskrar menningar.
Gleðilegt að síðan hafi fleiri
indverskir staðir opnað.





Marg er líkt með draumhefðum
Íslendinga og fjarlægra þjóða
í Austurlöndum fjær en vissulega
annað líka býsna ólíkt.
Í Indónesíu, fjórða fjölmennasta
ríki heims--um 261 millj. íbúar--,
og sem tekur yfir samtals
17 þúsund eyjar, (eylöndin
liggja á milli Indlandshafs
og Kyrrahafs), er trúin á
handanheima og fleiri víddir
ásamt trúnni á forspá í
draumi--berdreymi--, sterk,
líkt og hjá okkur Íslendingum.
En það sem er ólíkt í dag,
er trú þeirra á misvinveitta
andaheima og ótti þeirra við
að illir andar komist að þeim,
bæði í vöku og svefni.
Eitt þekktasta stefið t.a.m.
í martröðum Indónesa,
er að illur andi sé að elta
þá og vilji vinna þeim mein.
Minnir á eldri þjóðtrú okkar,
s.s. á illvættinn möruna sem
traðkaði á dreymendum,
illar fylgjur, drauga, seiðskratta,
og aðra óvinvætta vætti.
Merkilegt rannsóknarefni væri
samanburður á þessum draumhefðum
þar sem um eyþjóðir er að ræða
í báðum tilvikum með viðurværi
bæði af sjávarnytjum og landi,
ötulir sjósóknarar, haffræðingar,
sæfarendur og könnuðir.





Á sunnudaginn 27. október
á nýju tungli, var aðalhátíð
Ljóssins, og gyðjan Lakshmi,
gyðja ljóss og fegurðar,
farsældar og hamingju,
heiðruð, og fílaguðinn Ganesha,
guð velmegunar og heppni.
Við Indlandshaf á suðvestur
Balí, hefur nýlega risið hæsta
stytta heims--64 fet og
300 tonn--, af ektamaka
gyðjunnar, lífsverndaranum
Vishnu, og farskjóta hans,
hinum goðsagnarkennda
fugli, Garuda. Vishnu tengist
draumum sterkt; sköpunar-
draumur hans, fæðing úr hinu
kosmíska eggi, mergjaður.
Indónesar eiga samnefnt
flugfélag hinum viljuga Garuda,
og fer vel á að Vishnu styttan
standi nálægt höfuðborg Balí,
Denpasar, og alþjóðaflugvellinum þar.






Þarna á suðvesturströndinni,
eru hin svokölluðu 7 helgu
sjávarhof Hindúa en þeir eru
í miklum meirihuta á Balí
ásamt Búddistum miðað
við að Islam er ríkjandi
á flestum öðrum eyjanna.
Vishnu sést vel frá hofunum.
Þessi sjö sjávarhof eru
þannig byggð að það sér
á milli þeirra og eitt það
helgasta er Pura Tanah Lot
sem stendur á fögrum
klettadranga sem skagar
út í Indlandshaf, helgað
sjávarguðinum Dewa Baruna,
sem er ein birtingarmynd Shiva.
Hofin eru vernduð af máttardýrum,
og er Tanah Lot verndað af
stórum sæsnákum, eitruðum.




Sólsetur er mikilfenglegt við
Tanah Lot, og hvítar strendur
nálægs Seminyak þorps:
áhorfendur setur hljóða og ósjálfrátt
rís í brjóstunum þakkargjörð
til almættisins hvort sem fólk
telur sig nú trúað eður ei...





*




Síđasta frétt 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64  65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 Næsta frétt 
© 2007 Draumasetriđ Skuggsjá Hönnun Design EuropA