Forsíđa   

 25.04.2016
 Táldraumar ađ vori 2016: féfléttur eđa féflettur?



Þessa fyrstu daga íslensks
og sólbjarts vors, er þjóðin
skekin að dýpsta grunni.
Hefur orðið fyrir þungu
siðferðilegu áfalli.
Ekki einasta bresta
vonardraumar, heldur
reynast þeir hreinir
og klárir táldraumar.



Draumurinn um fagurt
þjóðlíf í faðmi blárra
fjalla að engu orðinn.
Landið var fagurt og frítt
en gullið sýnu fegurra
 í aflöndum útvalinna...



Féfléttur eða féflettur?
Stór munur þar á en
 munar bara einni
örlagaríkri kommu.
Llíkt og með núllin í
milljón, trilljón, skrilljón
og á krónu með gati.
Virkar býsna súrrealískt
en er hvorki leikur
né óraunvera í lífi
vinnandi og stritandi.
Himinn og haf á aðstöðu
og kjörum í þjóðfélaginu.



Var einhver að tala um
orma á gulli, dreka?
Brellur og blekkingar?
Hrunið eins og hver
annar sýndarveruleiki,
í þessu samhengi
sviðsettra féflétta en
raunveruleg martröð
féfletta meðaljóninum.



Það var nefnilega
vitlaust gefið allan
tímann og tröllska
- tröllskapur - ríkjandi.
Enda skortur á réttarvitund
og réttarbótum til handa
almenningi hrópandi dæmi.
Að ekki sé minnst á okur.



En sei, sei, nei,
ekki nóg að eiga
multí monní í felum
á kostnað hinna og
alls samfélagsins
heldur þarf að hafa
völd og sitja sem
fastast, vera númer
heima og heiman.
Kannski kóngur?



Skemmtilegur veruleiki,
að vakna til eða þannig
en gleymum ekki
veruleikans köldu ró.



Er ekki tækifærið einmitt
núna til að endurreisa
hinn siðræna sáttmála
og raunsatt lýðveldi?
Eða mun það gleymast
eina ferðina enn að:



Í draumi sérhvers manns
er fall hans falið?




*



Síđasta frétt 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31  32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 Næsta frétt 
© 2007 Draumasetriđ Skuggsjá Hönnun Design EuropA