Forsíđa   

 22.08.2014
 Draumferđalangar á Vatnajökuls - highway



Vatnajökulsþjóðgarður er

allt frá fornu fari útskorinn

af þjóðleiðum í allar áttir

og í honum mætast 

tengibrautir fjórðunganna.

Hann er miðja Íslands;

 þjóðbraut eða Highway.

Og það merkilega er að

þrátt fyrir erfiða yfirferð víða,

þá hafa landsmenn 

verið ótrúlega seigir að fara

þessar þjóðgötur og -leiðir

frá fyrstu öldum byggðar.

 

Það þarf sérstakt hugarfar:

 æðruleysi og slatta

af kæruleysi með

 dassi af fyrirhyggju

 ásamt von í hjarta og

trú á fyrirheit og drauma

til þess að bjóða slíkri

hávegaferð byrginn.

 

Eða eins og segir í

Higway söngtexta hljóm-

sveitarinnar Moody Blues:


 

Nothing is serious to me

I live for what will be (listen to me)

I can always be a dreamer

So trust your heart.

 


Eftir sumum hinna

fornu þjóðleiða

milli landshlutanna,

ferðuðust ferðalangarnir

Grímur og Bárður,

(sem Grímsvötn og

Bárðarbunga eru

nefnd eftir í Vatnajökli),

á vit drauma sinna,

ævintýra og vona.

 

Í ægifögrum og oft

á tíðum hrikalegum

þjóðgarðinum búa

 samkvæmt eldri sögnum

líka ýmsar verur og vættir;

dýr, steinar og jurtir,

að ógleymdu vatninu

eiga þar og sína sögu.

 

Það eru einmitt oft draumar

af dýrum, vatni og gróðri

sem segja okkur til um

hræringar og umbreytingar

í hinni skapandi náttúru.

 

Eftirfarandi draum

dreymdi einn aðstandenda

Skuggsjár nýverið.

En dreymandinn hafði

verið á ferð um Austur-

Vatnajökulssvæðið og Fjöllin

fimmtudaginn 14. ágúst;

rúmum sólarhring síðar

hófust jarðhræringar

í Vatnajökli sem enn

standa yfir og sér ekki

fyrir endann á.

 

 Veður var heiðskírt

og íðilfagurt á

fimmtudeginum

með einstaka 

útsýn til Snæfells,

Herðubreiðar og

Norðausturhluta

jökulsvæðisins.

 

Mögulega gæti

draumurinn tengst

yfirstandandi hræringum

í Vatnajökli og berg-

ganginum sem þar

hefur verið að myndast,

taka umbreytingum

og stækka, og landi

sem jafnframt færist til:


 

Aðfararnótt 20. ágúst sl.

dreymdi mig að ég væri

ásamt fleirum að reka

 mjög fallegar hvítar

lambær í stórum hópi.

Þær voru áberandi

hreinhvítar, vel haldnar

 og eins lömb þeirra.

Við rákum féð að

stórum úthöggnum

skála úr steini og þegar

hópurinn fór þar inn,

þá er mér litið betur

á fætur þeirra og

voru þær rauðar að sjá,

 ljósrauðar neðst.


Mér brá við þessa sýn 

og þegar inn kom fór  ég

að athuga með fæturnar

en bæði kindurnar og lömbin

voru hin rólegustu og virtist

 ekki kenna til undan þessu. 

Og blóðið var bara

kyrrt á fótunum,

lak ekki niður.


Þegar hér var komið,

fer ég að litast betur

um inni í skálanum.

Þar ofar og innar sé

ég þá hvar tveir stæltir

og áberandi stórir

gæðingar standa

og voru þeir

dökkgrámosóttir að lit.


Þarna inni er allt hljótt

og snyrtilegt og

svargrátt í hólf og gólf

í mikilli hvelfingu.

Hestarnir líta þá báðir

til hliðar og stendur þar

þá folald í svipuðum lit

en þó öllu ljósara.


Þegar ég tek að virða

folaldið fyrir mér er líkt

og það taki að vaxa

fyrir framan mig og

umbreytast í tryppi.


Og allt í einu sé ég að

stór hluti húðarinnar

sem snýr að mér hefur

rifnað af og hangir niður

og er ný að vaxa undir.

En tryppið virtist ekki

kenna sér neins meins;

var bara ánægt með

sig hjá foreldrunum.


Við það vaknaði

ég í forundran.


 

*

 

 

 

 

 

 



Síđasta frétt 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76  77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 Næsta frétt 
© 2007 Draumasetriđ Skuggsjá Hönnun Design EuropA