Sólin sýnir kúnstir sínar
þessi dægrin með
sólgosum, sólblossum,
segulstormum og
afleiddri norðurljósafjöld
hér á Norðurslóð.

Fyrirbæri þessi kallast
kórónuskvetta sólar
og hafa tilkomumikil áhrif
á það himinhvolf sem
við fáum barið augum
hverju sinni.

Minnir á hve sá alheimur
sem við erum hluti af
hefur á sér yfirbragð
almyndar - holograms -
og að sólin fylgi okkur
í blíðu og stríðu eins og
sést á dægursveiflu
manna og dýra
í svefni og vöku.

Ekki að ósekju að talað
sé um multiverse í sama
 vetfangi og universe,
og kallar á margháttaða
enduskoðun vísinda,
þ.m.t. sálar- og draumfræða.

Kannski áttum við okkur
ekki á hve tíminn
sem við höfum er
dýrmætur og kvikur
- stundum raunar hvikur -
og tilveran um leið
afstæð hér í
landinu góða sem á
á hættu að verða
það Eyðiland sem
breska nóbelskáldið
T.S. Eliot kallar svo
í frægum ljóðabálki.

Tími til að vakna og
hefjast handa við
gróskumikla uppbyggingu,
fá risið úr auðnarlegri 
hnignun núveruleikans.



Do I dare
Disturb the universe?
In a minute there is time
For decisions and revisions
which a minute will reverse.


(T.S. Eliot, the Love Song of J. Alfred Prufrock, 1920).


'