Forsíđa   

 18.02.2013
 Svefn sigrar hali...



Í ljóði sínu Draumar
talar skáldið
Þorsteinn Valdimarsson
um þá gjöf svefnsins
að veita þreyttum hvíld
og leiða börnin í draumi
um lendur stjarna og óska:


Svefn sigrar hali,
svefn er runninn á dali,
hann lokar augum barnanna
og leiðir þau til stjarnanna,
og þar í draumalandi
liggja skeljar í sandi,
kuðungur, perlur og hörpuskel
og allt sem börnin óska sér.



Það er hreint ekki sjálfgefið
að börn nái að sofa rótt og
öðlast góða næturhvíld,
fara á stig djúpsvefnsins
og hvílast á líkama og sál.
Hið sama á við um fullorðna.
Höfum við áður rætt hér
á vefsetrinu um mikilvægi
bættrar svefnheilsu jafnt
hjá ungum sem öldnum.

Góður svefn er gulls ígildi.

Almennar truflanir á svefni
eru einkum tvenns konar
svefnleysi og svefnsækni.
Svefnleysi greinist síðan
í nokkra undirflokka sem eru
streitusvefnleysi, svefnhöfnun,
svefnröskun og svefntruflanir.

Varðandi svefnröskun
hjá börnum og
ungmennum, þá má
í flestum tilvikum rekja
hana til óreglulegs
svefntíma og þess að
svefnvenjur eru að
mótast langt fram
á unglingsár og
eru að vissu leyti
bundnar bæði
persónu og lundarfari.
Nægilegur og
reglubundinn svefn
er þó sú uppskrift 
sem gildir fyrir alla.

Óreglulegur háttatími
er oft orsök vítahrings
í svefnmunstrinu,
og eftir löng frí t.d.
getur reynst erfitt
að vinda ofan af slíku,
líkt og margir þekkja.
Þessu fylgir gjarnan
ónógur svefn og getur
þá farið að bera á
einbeitingar- og minnisskorti,
áhugaleysi og dagsyfju.


Þessi sálrænu einkenni
geta svo farið að koma
niður á námi, skerpu
og ákvarðanatöku.
Spenna í samskiptum
á heimili getur aukist
sem eykur síðan aftur
á streitu og kvíða,
úr verður vítahringur.

Í rannsóknum hefur
komið í ljós að um
 60-70% barna með
skerta námsgetu hafa
strítt við svefnleysi.
Hér a landi er varlega
áætlað að um 20-30%
barna fram til 5 ára aldurs
glími við svefnvanda.

En góð bjargráð fyrirfinnast!
Hægt er að leita í ágætar
bækur um efnið og inn
á Netið eftir greinum
eða til svefnráðgjafa
á Landsspítala, á
Heilsugæslustöðvar og
Barnadeildir sjúkrahúsa.
Og ráðgast við aðra foreldra.

Kenna má barninu
einfalda slökun og
djúpöndun og hjálpa því
að viðra áhyggjur sínar.
Minnug þess að það
að færa svefnvenjur
til betri vegar krefst
tíma og þolinmæði
af barni og foreldri/um.

Handbækur um svefnvanda
yngri barna eru t.a.m.
Sofðu barnið blíða

í þýðingu Guðrúnar
Höllu Tuliniusar
eftir einn helsta
svefnfræðing Evrópu,
dr. Edward Estiwill,
sem út kom 2005,
og Draumaland,
bók Örnu Skúladóttur,
sérfræðings í barnahjúkrun,
gefin út 2006.

Mestu gildir að átta sig á
hve svefninn er dýrmætur
og að hlúa þarf að honum
hjá börnum og hjálpa
þeim að koma sér upp
hollum svefnvenjum.
Að það að læra að þykja
vænt um rúmið sitt,
hlakka til að fara að sofa
og svífa í draumlönd inn,
séu holl, góð og
eftirsóknarverð lífsgæði.


*
.


Síđasta frétt 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187  188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 Næsta frétt 
© 2007 Draumasetriđ Skuggsjá Hönnun Design EuropA