Forsíđa   

 07.10.2011
 Íslenskir fuglar Gröndals og áhrifin á draumlynda nýrómantíkera á Laxárbökkum



Íslenskir fuglar Benedikts Gröndal
kom í gær út hjá Crymogeu
og markar verkið stór
tímamót í hérlendri
vísindamiðlun.
Mikið fagnaðarefni og á
Náttúrufræðistofnun Íslands
heiður skilið fyrir umsjón
með útgáfunni og áratuga
varðveislu handritsins.

  Víst er að Gröndalinn
hafði ómæld áhrif
á samferðafólk sitt
til góðra verka
og má þar nefna tvö
draumlynd góðskáld
af Laxárbökkum,
Jóhann Sigurjónsson
frá Laxamýri og
Huldu, Unni
Benedkitsdóttur Bjarklind
frá Auðnum í Laxárdal.
Bæði sporgenglar ljóðræns
prósa og nýrómantíkur

í íslenskum skáldskap;
Jóhanni er raunar eignað
fyrsta nútímaljóðið, Sorg.

Jóhann hreifst ungur
mjög af fuglamyndum
Benedikts og orti af því
tilefni ljóðið
Hjá Benedikt Gröndal.
Telur að Benedikt hafi
með verkum sínum
glætt með sér gleðina
yfir alúðlega unnu verki:

Nú ég af alvöru fyrst það fann,
hve fagurt það er að - vinna.

Eftirfarandi eru lýsingar
Jóhanns og hughrif
af nosturlega teiknuðum
fuglum Benedikts
en loksins nú, heilli öld síðar,
er handritið gefið út á bók:


Á fyrstu blaðsíðu fálkinn var
í fögrum, drifhvítum klæðum,
og tignarhöfuðið hátt hann bar,
en heitt varð mér blóðið í æðum.


Og á öðrum stað segir Jóhann:


Það var sem fuglarnir færu af stað
og flygju af laufguðum greinum.
Það var eins og andvari bærði blað
á beinvöxnum, fögrum reynum. -


'


Síđasta frétt 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137  138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 Næsta frétt 
© 2007 Draumasetriđ Skuggsjá Hönnun Design EuropA