Forsíđa   

 10.11.2010
 Draumleiđsla, draumvísur og draumvitranir í Sturlungu



Þetta haustið ætlar að reynast gjöfult
þegar kemur að
leiðslu-og draumbókmenntum.

Draumleiðsla, (dream-incubation),

er ævafornt fyrirbæri,
sem Íslendingar kunnu snemma skil á
og á margt skylt við
sjálfskapað sefjunarástand
- leiðslu eða trans -
og töfrahyggju, (shamanisma).

Hvílir á þeirri sannfæringu að hægt
sé meðvitað að óska eftir
leiðsögn í draumi og fá úrlausnir 
í svefni á vandamálum vökunnar,
vernd og viðvaranir,
oft með fulltingi handanheims vera.
Á sér gjarnan stað á mörkum
  svefns-og vökuvitundar,
hins meðvitaða og ómeðvitaða.

Draumleiðsla er náskyld
skírdreymi, (kucid dreaming),
að finnast maður vitandi þess
að vera að dreyma.
En skírdreymi mælist mjög hátt
hér á landi eða yfir 50%.

Nú hefur Mál og Menning
gefið út ritstýrða
og afar læsilega
Sturlunga sögu í 3 bindum
með nútíma stafsetningu.
Upphaflega gaf Svart á hvítu út verkið
í ritstjórn Örnólfs Thorssonar
fyrir rúmum tveim áratugum.

Í Sturlungu má finna
eitthvert mesta safn drauma

og draumvísa sem um
getur í fornsögunum.

Þar dreymir höfuðandstæðinga
jafnt og fylgism
enn
fyrir stórbrotnum
og grimmum örlögum.

Sögusviðið eru Dalir og Borgarfjörður,
en þó aðallega
Eyjafjörður og Skagafjörður,
og helstu persónur höfðingjar
Eyfirðinga og Skagfirðinga.
Gerast atburðirnir á
fyrri hluta 12. aldar
til loka Þjóðveldisaldar
og eru taldir skráðir af
Þórði Narfasyni, lögmanni.

Lýsingar á draumreynslu
eru persónulega
r,
þrungnar dýpt og merkingu
og settar fram á hnitmiðuðu
máli fornmanna:

betra þykir mér dreymt en ódreymt;

ekki er mark að draumum.


Þegar litið er á Íslendingasögubálkinn
í fyrsta bindi Sturlunga sögu má t.a.m.
finna 18 draumvísur bara í einum kafla,
(kafla 286, bls. 410-415).

Draumvísurnar í þessum kafla
eru allar vitranir og fyrirboðar
fyrir örlögum söguhetja
og Örlygsstaðafundi (-bardaga).
Merkilegt er að vísurnar virðast
koma víða að af landinu.

Dýr leika líka sitt hlutverk
í framvindu sögunnar
sem leiðsegjendur
svo og helgir menn eins og
Guðmundur biskup góði,
ýmsar vættir og kynjaverur.

Í einni draumvísunni
krúnkast tveir hrafnar á
og kveða sitt orðið hvor:

Hverjir munu birni beitast?
Hverjir munu mest við rómu?
Hver mun falla hinn frækni,
faðir Kolbeins eða Sturla?
Brátt kemur böðvar ótti.
Beit egg í tvö leggi.
Menn gera mest þeir er unnu
mannspell í styr falla.

'




Síđasta frétt 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250  251 252 253 254 255 256 257 258 259 260 261 262 Næsta frétt 
© 2007 Draumasetriđ Skuggsjá Hönnun Design EuropA