Perluglit draumsins
undir bláhimni
þessa páska í
borgfirskum fjallasal.



Minnir á draumskáldið
og borgarbókavörðinn,
Snorra Hjartarson,
sem fæddur var
á Hvanneyri árið1906,
og steig sín fyrstu spor
í þessari mögnuðu
gróðurvin íslenskrar
 náttúru hvar fuglategundir
eru fjölskrúðugastar
á landi hér.



Snorri kvað um
fegurð himinsala og
dul og draumlög
íslenskrar náttúru,
um nýja jörð, nýja von.



Í ljóði sínu um náttúru-
fræðinginn og -spekinginn,
Jónas Hallgrímsson,
listaskáldið góða,
farast Snorra svo orð:




Stjarnan við berglindir blikar,
brosir og slokknar,
óttuljós víðáttan vaknar
vonfrjó og ný.



Sól rís úr steinrunnum straumum,
stráum og blómum,
hjörðum og söngþrastarsveimum
samfögnuð býr.

Með ósk um samfögnuð
á páskum 2017!