Sumarsólstöður urðu
um fimmleytið í morgun
hér á landi og var þá
klukkan 10 á Indlandi.

Þennan góða morgun
var gengið frá samningi
milli Skuggsjár og
alþjóðlegrar útgáfu
um nýja draumabók
sem að þessu sinni
er á ensku og fjallar um
ljósaborg draumanna
Kashi á Indlandi,
við hið helga Ganges fljót,
eina elstu borg Jarðar.
Nú nefnd Varanasi,
þar áður Benares.

Draumahefð Indverja
er borin saman við
okkar draumamenningu
og sagt frá upplifunum
af að sækja borgina
heim og draumum
sem gengu á meðan
á dvölinni stóð.

Kashi er stundum
líkt við Borderland
- land á mörkum heima -
skilin fljótandi þarna
á bökkum Ganges
hvar líf og dauði
er ein órofa heild
og hinsta ferðin
yfir móðuna miklu
er í hávegum höfð
og trúin á hringrás
þróunar sterk;
áin gjarnan kölluð
elfur tímans.

Reiknað er með
að bókin komi út
með hausti eða vetri
Nákvæmlega hvenær
verður tilkynnt síðar
hér á vefsetrinu.

Bókin ber
eftirfarandi heiti:

TRANSFER in Kashi
and The River of Time.


*