Stundum er sagt að manneskjan
sé merkingarleitandi vera.
Þessa sér stað á öllum tímum.
En sjálfvirk heimsmenning
hégómleikans er býsna
hávær og frek á tíma
okkar og athygli.
Þetta á líka við um draumana.
Þegar kemur að merkingar-
bærri draumreynslu sem
gefur endurnýjaða von
og kraft til þess að takast
á við dagana, er skjátíminn
fyrir svefn og bláa ljósið,
farið að lita draumheiminn,
og jafnvel valda svefntruflunum
og martröðum. Myndefnið
oft ógnvekjandi eða togar
i hjartastrengina um of uppá
að djúp hvíld og slökun verði.
Draumar eru ekki sjálfvirkir
og verða seint heilandi og
nærandi án atbeina og ábyrgðar
dreymandans á eigin lífi
og heilsu.
Nú er 6 vikna trúarhátíð
Indverja lokið og helg nótt
Shiva og Parvati að baki,
hin svokallaða MahaShivratri.
Hér í Eyjafirði var gærkvöldið
geysifagurt, skír stjörnuhiminn
og dansandi Norðurljós.
Mesta fjölmenni sem
komið hefur saman á
jarðriki, eða um 633 milljónir
manna sóttu heim
Maha Kumbh Mela,
þær 6 vikur sem þessi
helsta trúarhátið Indverja
stóð yfir!
Miðað við þennan griðarlega
mannfjölda, er mikil gæfa
að vel skipulögð hátín virðist
að mestu hafa farið fram
án óhæfuverka, glæpa,
mannrána og þjófnaða.
Indverjar eru nú fjölmennasta
þjóð heims um 1.4 milljarðar.
Mikill uppgangur á flestum
sviðum en vissulega sama
misskipting auðs og svo víða.
Í rauninni glóir gull í
orðsins fyllstu á mörgum!
Talið er að um milljarður
íbúa eigi lítið sem ekkert
eyðslufé; enn er t.a.m. óljóst
hve stór hluti gesta á Maha
Kumbh Mela var erlendur.
En margir Indverjar safna
áratugum saman fyrir
pílagrímaferð á helga
staði. Draumurinn er að
komast þó ekki sé nema
einu sinni á ævinni til þess
að votta guðum og gyðjum
virðingu sína, tilbiðja í
von um að öðlast
merkingarbæra og
djúpa andlega reynslu.
Hvað þá baða sig í Ganges,
helgustu ánni og hreinsa sig
af syndum og öllu illu.
Þess má þó minnast
að jafnvel þó Ganges hafi
með lögum árið 2017, öðlast
réttarstöðu sem sjálfstæð persóna,
er hún enn geysilega menguð
og ekki virt að verðleikum.
En nú á að að gera stórt
átak um hreinsun hennar
og gengur það vonandi eftir.
Og svo er það sjálfvirk tæknin:
byrjuð að smeygja sér inn
í vöku og svefn óbeðin
eins og CoPIlot núna við
ritun þessa pistils!
Minnir á tímamótamynd
Ridley Scott frá 1982,
Blade Runner og spurninguna
um það hvort vélmennin
dreymi rafkindur?
#
| 
