Forsíđa   

 24.06.2014
 Kraftur Jónsmessu og kyngi fornra draumaheima



Nú um stundir eru
töfrastundir Móður
Náttúru í algleymi.
Sumarsólstöður
nýafstaðnar og
Jónsmessa í dag.

Á Jónsmessunótt eru
dularáhrifn hvað
mögnuðust: sitja
skal á krossgötum
og spá í líf og tíma,
framtíð, nútíð og fortíð,
heyra kýr tala,
velta sér upp úr
heilandi dögginni,
dreyma merka drauma
og láta óskir rætast...

Leiðir hugann að
kyngimagni goðsagna
í menningararfleifð okkar
og orkumögnun þeirra
í sál og sinni.
Iðulega samfléttað
tímamótum og
streymi í náttúrunni.


Fornsögurnar eru
að ná vinsældum
í nútímanum
og er það vel.
En að baki þeirra
er heillandi
hugmyndaheimur
og margslungin
heimsmynd fornmanna.

Sem dæmi um þennan
endurvakta áhuga á
fornsögum og fortíð,
eru sjónvarpsþættir
History Channel um
forfeður vora, víkingana,
lífsstíl þeirra og ránsferðir,
sögulegan framgang
 og mögnuð trúarbrögð.


Þættrinir sem nú eru
sýndir á RÚV heita
einfaldlega The Vikings
og segja söguna af
Ragnari loðbrók,
fjölskyldu hans og
köppum, höfðingjaerjum,
vadatafli og strandhöggum.
Er frásögn af Ragnari
í Völsungasögu
höfð til hliðsjónar.


Það sem vekur hvað
mesta athygli eru hin
góðu skil sem þættinir
gera á heimsmynd
og trúarheimi víkinga
- með áherslu á dauðann
og líf eftir dauðann -
og mótum tveggja heima,
heiðni og kristni, og
þeirri deiglu sem af hlýst.
Má segja að slík
efnistök séu einsdæmi
á hvíta tjaldinu þegar
þetta söguefni er
annars vegar.


Er orkumögnunin og
dulúðin að ógleymdum
hrikaleikanum í lýsingum
á forneskjulegum
minnum og mýtum,
goðum, goðastöðum,
blótum, draumum,
sjáendum, forspám
og fyrirboðum,
(hvað þá lýsingar af
sjálfum Ragnarökum), 
með hreinum ólíkindum.

En margt er jú skylt
þegar að er gáð og
sumt hefur haldist
 óslitið í gegnum aldirnar
s.s. sterk trú Íslendinga
á mikilvægi drauma
og á líf eftir dauðann
 þó heimsmynd breytist.

Nýr en forn kraftur
að brjóta sér leið
til endurnýjunar og
nýsköpunar í
stöðnuðum heimi?

Einn af feðrum
sálfræðinnar á
Vesturlöndum,
Sigmund Freud,
taldi goðsögurnar,
mýturnar og
draumana mikilvæga
til endursköpunar
vilja og krafts fyrir
samfélag og einstakling.
Hafa æ fleiri tekið
í sama streng:


"Myths are the dreams
of the race.
Dreams are the myths
of the individual."



*


Síđasta frétt 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161  162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257 258 259 260 261 262 Næsta frétt 
© 2007 Draumasetriđ Skuggsjá Hönnun Design EuropA