Draumar hjá ungum og öldnum
búa sumir yfir heilandi mætti.
Til forna var þessi viska virt
og voru draumar hjá
mörgum fornþjóðum
notaðir í lækningaskyni.
Var draumleiðsla (incubation)
m.a. stunduð í þessu skyni,
fólk bað fyrir eða reyndi
að kalla fram drauma
sem fólu í sér vísi
að lækningu eða gáfu
aukna trú og kjark til að
takast á við veikindi.

Í nútíma taugavísindum
er athyglinni æ meir beint 
að gildi svefns og drauma
fyrir sálarlíf og heilsu og
komin viss staðfesting á því
að draumar geti leitt til
heilunar fyrir sál og líkama.

Talið er að sumir draumar
veiti dreymandanum
aðgang að vissri tegund
greindar djúpt í heilastofni
sem sendi boð um heilabörk
og þaðan út í vefi og
ónæmiskerfi líkamans
sem síðan virkji eigin
lækningamátt líkamans
og efli heilsu og vellíðan.

Margir barnadraumar
hafa heilandi áhrif á sálarlífið
eins og úrvinnsludraumar
á áreitum vökunnar og martraðir
en eitt meginhlutverk þeirra
er að losa um spennu
og koma á auknu jafnvægi.

Sýning Skuggsjár
á barnadraumum í
Friðbjarnarhúsi á Akureyri
sem staðið hefur yfir
í sumar í samvinnu við
Leikfangasýningu Guðbjargar,
hefur nú verið framlengd
allt til áramóta.
Vetraropnun verður
alla laugardaga
milli kl. 14 og 16
og eins geta skólahópar
komið eftir samkomulagi.
Hafið samband við
Guðbjörgu Ringsted
í síma 863 4531.

Skuggsjá þakkar öllum þeim
börnum sem komið hafa
á sýninguna í sumar
og sagt frá sínum draumum
og/eða teiknað þá.
Þannig hefur enn bæst við
barnadraumasafn Skuggsjár
og er nú unnið að útgáfu
á litlu kveri um efnið
sem mun koma út í vetur.

Talandi um heilandi og
græðandi mátt drauma,
 þá birtum við hér draum
Jakobs 7 ára af báttinu
sem læknaðist í draumi:

Ég gat læknað báttið
í nótt í draumnum mínum
með þvi að sveifla
töfrasprotanum.
Sérðu, ég var með svona
sár hérna á puttanum,
og það er alveg horfið.


'