Frægasta fornsaga
Austurlands,
Hrafnkels saga
Freysgoða,
hefst á draumi.
Segir frá draumi
Hallfreðs, föður
Hrafnkels,
sem nýfluttur
er til búsetu
við Lagarfljót.
Er þetta á dögum
Haraldar konungs
hárfagra í Noregi:


Þar liggur þú,
Hallfreður,
og heldur óvarlega.
fær þú brott bú þitt
og vestur yfir Lagarfljót;
þar er heill þín öll.


Hallfreður tekur mark
á viðvörun draumsins
og flytur bú sitt.
Sama dag fellur
skriða á fyrri hýbíli
og eyðileggur
svo og gripi alla.

Hrafnkell gerir bú sitt
að Aðalbóli á Jökuldal.
Hann ann goða mest
frjósemisgoðinu Frey
- (Yngva-Frey) -
og helgar honum
sinn dýrasta grip,
brúnmóálótta hestinn,
Freyfaxa.

Af tryggðarbandi
Hrafnkels við Frey,
hlýst af atburðarás
Hrafnkelssögu í kjölfar
vígs Hrafnkels
á smalamanni sem
vanhelgar boð hans
varðandi Freyfaxa.

Fer svo að Hrafnkell
þarf að yfirgefa Aðalból
og flyttur á Lokhillu,
bú eitt snautt
við Jökulsá í Fljótsldal.
En þar tekst honum
af dugnaði og
hyggindum að koma á
búshægindum góðum
sem flytjast síðar
neðar með Lagarfljóti.
Verður Héraðið nú
rómað fyrir velsæld.

Á nýliðinni
Kyndilmessu
komst þessi
fyrrum bústaður
Hrafnkels,
Hrafnkelsstaðir
í Fljótsdal,
í heimsfréttirnar.
Ábúandi þar
hafði fest á filmu
undarlegt fyrirbæri
 í Jökulsánni sem
virtist synda upp
í strauminn.

Hvað sem hér
reynist á ferðinni,
þá er kastljósið
á Hrafnkelsstaði,
 Jökulsá og Lagarfljót,
búsæld veraldar
sem var, og því miður
núverandi eyðingu.

Um þesar sömu mundir,
setur Framtíðarlandið
í loftið endurbætta
og upplýsandi vefúgáfu
af Náttúrukorti Íslands.

Innilega til hamingju
með þetta góða
og gegna verk!

Íslenska þjóðin
hefur stundum verið
kennd við Ynglinga,
afkomendur
Yngva- Freys.
Hún þarf sannarlega
á því að halda
að dreyma saman
í auðmýkt fyrir
sköpunarverkinu
nýja framtíð.
Öðlast skilning
á ábyrgð sinni
gagnvart landinu og
komandi kynslóðum.

Á Náttúrukortinu
má sjá í bland
myndir og texta,
fróðleik um
verndunarkosti,
nýtingu og virkjanir
þar sem saman
er fléttað jarðfræði,
sögu og menningu.

Sjá nánar á
www.framtidarlandid.is