Margt er líkt
með ástundun
íhygli í vökunni
og þess að íhuga
drauma sína og
tengjast sínu innra.
Sínum innra manni.
Hvorttveggja mætti
kalla gjörhygli
- mindfulness -
í vöku og svefni.

Nú eru að koma fram
æ fleiri rannsóknir
sem sýna fram á
mikilvægi íhugunar
og hugleiðslu með
það að markmiði
að kyrrra hugann
þannig að iðkandinn
læri að stjórna betur
hugsan og líðan.

Í stað þess að
hugurinn þeysist
um eins og
sjónvarpsrás á
útopnu allan
sólarhringinn,
þá lærir iðkandinn
að fylgjast með
núvitund sinni.
Fylgjast með því
sem er að gerast
í sálarlífinu og
umhverfi hans
án þess að taka
tilfinningalega
afstöðu til þess.

Ennfremur hefur
hugleiðsla áhrif
á skynjun sársauka
og mildar hann
með því að hafa
áhrif á þau svæði
heilans sem hafa
með sársauka að gera
eins og fram kemur
í nýlegum rannsóknum
í taugavísindum og
birtar eru í aprílhefti
Journal of Neuroscience.

Samkvæmt þeim
rannsóknum sem
þar er vitnað til,
ætti að kenna
hugleiðslu og
bjóða uppá hana
á sjúkrastofnunum
og helst fyrr á ævinni
þannig að hún verði
snemma eðlilegur
þáttur daglegs lífs,
 óháð trúarskoðunum.

Einföld hugleiðsla
getur t.a.m.falist í því
að veita öndun athygli.
Telja fyrst hverja
útöndun upp í 10 í
nokkur skipti og síðan
 innöndun álíka oft.
Eftir nokkur slík skipti
þegar hugurinn
fer að róast og
líkaminn slaknar,
þá verður hrynjandi
öndunar samfelldur.

Iðkandi getur nú
beint sjónum sínum
að aukinni kyrrð og
þá etv. farið með
litla bæn eða möntru
eða bara verið til.
Gott er að ætla
ca. 15-20 mínútur
í hugleiðsluna einu
sinni til tvisvar á dag.

Þekkt er að gjörhyglin
sem afhlýst hefur
 síðan áhrif á vitund
okkar í svefni og
þar með draumlífið.
Eykur þrek og þor
til að glíma við
 lífsverkefnin, treysta
lífinu og dreyma
frjóa drauma:


The inability to
open up to hope
is what blocks trust,
and blocked trust
is the reason
for blighted dreams.

(Elizabeth Gilbert).


*